الفرق بين الطالب العراقي والطالب الامريكي

لايوجد فرق كبير بين الطالب العراقي والطالب الامريكي سوى في هذه النقاط :


1_الطالب الامريكي يصحى الصبح يبوس ماما ويفطر ويحضر الكتب ويطلع للشارع ينتضر الباص الاصفر يوصل حتى ينقله للمدرسه
اما الطالب العراقي امه تصحي الساعه بالسته الصبح اول شي يسوي يروح للسياره لا عبالكم يروح بيها للمدرسه لا لا يسحب بانزين منها للمولد وبعدين يروح يجيب ريوك وطبعا ما يتريك لان انسدت نفسه من وره البانزين ويطلع يدكه مشي للمدرسه



2_الطالب الامريكي يصل المدرسه ويدخل الصف تستقبله المدرسه وشلونها ما يزيد عمرها عن 25 سنه وبعدين يدخل لدرس التغذيه عبالك عدهم روضه هههههههه(يا عيني) وبعدين يخلص الدوام ويطلع بالباب مال مدرسه ينتظر الباص الاصفر حتى يرجعه للبيت
اما الطالب العراقي يوصل المدرسه متاخر يدخل الدرس الثاني درس الفيزياء وشلون مدرس عدهم ولا سن باقي بحلكه يعني ما بي راشدي وطبعا شايل العوده ويسالهم على التحضير والطالب العراقي طبعا ما محضر فيلقي المحاضره ويعاقبهو وبالفرصه يتكامش الطالب العراقي مع زميله المهم قبل ما يخلص الدوام الدرس الرابع يطلع من السياج ويروح للبيت



3_الطالب الامريكي يرجع للبيت يبوس ماما وبابا وياكل لكمه وينام والعصر يصحى وياخذ مصروفه من بابا وياخذ سيارته الكشف ويطلع يفتر هو وصديقاته(خطيه ضايجين) ومن يرجع يتعشى ويقره شويه وينام مبكرا
اما الطالب العراقي فيرجع للبيت يلكه امه ما مسويه غده ياخذ خمسميه ويروح لابو الفلافل(شلون فلافل نظيفه حيل)
وبالصدفه يلكه الوالد نايم وبصفه سويج السياره يخمطه ويطلع بالسياره يفرفر ويصجم بالبنات وبعدين وحده تنطي الرقم يتصل اول رنه ويكولوله(ان رصيد حسابك لا يكفي لاجراء هذه المكالمه............ ......) وبعدين يروح يشتري كارت طبعا من جزدان ابوه ويرجع للبيت يلكه ابوه كالب الدنيا عليه وطبعا الوالده ما مسويه عشه وياخذله شكم كفخه وينام ايضا مبكرا الساعه بالثنتين

مشكورة اختي بس انا اتفق وي اختي زينة بامريكا اعمار المدرسين اكبر من الي بالعراق وكلهم يختاروهم عدهم خبره هنا كلها زعاطيط والمعلمه ما تعرف شنو تدرس ومخلينها على الله

ويييييييييييييييييييييييييييييييييييييي

اني اكره المدرسه والمدرسات
اذا كانت صغيرا ولا كبيرا

هيه مدرسه

مشكوووووووووووووووووورا

التعليم بامريكا ينطرون اله بجديه مو مثلنه
وبالنسبة للعوانس ببغداد فهذا صحيح
لان بغداد اكثر المحافظات بيها عوانس
ويمتازون بالزواج المتأخر مو مثلنا
بس انا اكيد دارس بمدارس الولد
واعرف انه الشياب فلتوا