قصيدة اصبر با وطن

إلك الله يا عراق على المحن
وشعبك المسكين يدفع كل ثمن
على الحدود أنكتب للبيع الوطن
يا عراق تصير هيج بيا زمن
يا عراق تصير هيج بيا زمن
***********
اصبر يا وطن كل شده وتهون
جرحك على الشعب قسمته ماعون
اصبر يا وطن كل احنه بيتك
علينا توزعت صرنه هويتك
من ظلم لظلم كَاضيها مسجون
***********
اصبر يا وطن يا صبر الأيتام
ما طاح النخل ما دنكـَ الهام
اصبر على القهر وي ضيم الأيام
هم ترجع بعد وبفيك إنام
ما نعرف بعد تاليتك شلون
***********
اصبر يا وطن كل شدة تنحل
كَوم تعاونت ما يوم تنذل
نتكاتف نصير حزامك الكل
نطلب يا حكومة العدو يرحل
ونبنيه بدمع طابوكَه العيون
***********
اصبر يا وطن يا ارض الإسلام
يا حقد الأمس لليوم ما ينام
تهجير وظلم عدوانك أصنام
يا رب الفرج عجل للإمام
يحكم بالعدل ويعدل الكون
***********
حفيف على الوطن ما عنده راعي
هويته تلوثت مستها أفاعي
حدود تغيرت وينه اليداعي
سلامي عليك هذا اخر وداعي
هم ترجع بعد ما اظنك تكون