قصيده عتب عراقيه مهداة الى اخي عمار ابو عراق

[b]بعد ما ريد فيزه ولا لجوء انسان

.............. عمت عين الاقامه الدنست صيتي

واشكر كل صديق وكل خوي وكل جار

.............. قفل بابه ورفض يقبل عراقيتي

خلف الله عليكم والوكت دولاب

.............. لا بد يوم ينزل بيكم ارضيتي

لان اول امس كل البشر خدام

.............. جانوا للعراق واكلوا ابيتي

جان الضيف عندي مكرم ومهيوب

.............. فوگ الراس اشيله وهاي تربيتي

ما داعي اسولف وانه ابو النهرين

.............. ياهو الما سمع اخبار حنيتي

بعد بصمات اديهم والطبع موجود

.............. من جانوا جياع بوسط صينيتي

يا دنيه حرام ومنكر ومكروه

.............. اذا ابن العراق اليوم وطيتي

معقوله نسيتي اسم العراق بساع

.............. لو مثل البشر همّن تناسيتي

ميفيد الحچي ولا تنفع الچلمات

.............. راجع يا وطن لترابك الزيتي

راجع يا حبيبة گلبي يا بغداد

.............. وادرى بكثر ما ونيت ونيتي

وادري لوحّدج عفناج صار سنين

.............. وادرى من الحزن تابوت سويتي

جيب الاغتراب وحطه بالتابوت

.............. يا غربه العراق شكثر اذيتي

ما اعيش ابّحر مالح طعم يا ناس

.............. انه بسجن الفرات وفقط حريتي

وترابي ذهب والگاع من ياقوت

.............. ومن ثوب الكرامه البسهه بيريتي

واذا گالوا لترجع والوضع مو زين

.............. اگول اني الوضع والزين تاليتي

وميهمني بعد ليصير خلي يصير

.............. طعم الموت اشرف من هجر بيتي

أموت بوسط خوتي ويا حلاة الموت

.............. من اجمع اهلنه واكتب وصيتي

وصيتي لو متت لتچفنوني چفان

.............. لفوني بعلمنه وهاي امنيتي

واذا تردون اليه بهالگبر ارتاح

.............. امانة الله دفنوا وياي جنسيتي[/b]

خوش قصيده حلوه ومعبره
وشغلة الجنسيه بسيطه انا اخليهم يدفنوها وياك
بس انطينياها اول مرة

الف شكر على القصيده بس الظاهر راح تنطبق عليه
مشكوووووووورا تقبلي مروري

بايع روحه كتب:احسنت مولانه
لمن القصيدة ؟
و شنو علاقتهه بعمار ابو عراق ؟؟

هذه القصيده لشاعر عراقي
صحيح ما الهه اي علاقه بالاخ ابو مؤمل من ناحية الغربه والمهجر
بس كتبتها لأبو مؤمل واريده يفهمها من غير معنى وهو راح يفهم

عودة كتب:خوش قصيده حلوه ومعبره
وشغلة الجنسيه بسيطه انا اخليهم يدفنوها وياك
بس انطينياها اول مرة

هاي جنسيتي بس اوصيك تخليها ويه الجفن

الاســـــــــــم :- عاشــــــــــقة الحســــــــــــين (ع)
العنــــــــــوان:- أرض الطــــــــــــــــــــــف
تــاريخ الميلاد :-( سنة 61هجريه وبعدني عايشه لهذا الوكت)
الصحيفــــــه :- صحيفــــــــــــه الجفـــــــــر

مشكوره اختي ورده على الرد
مشكوره اختي العزيزه زينه القصيده صدك تقهر والله لا يجيبلك القهر بحق الحسين الشهيد (ع)

راح ادفن الجنسية وياك بالمنتدى تقبلين

عودة كتب:راح ادفن الجنسية وياك بالمنتدى تقبلين

اني كلت ادفنوا جنسيتي ويه الجفن بالقبر

مشكوره اختي بنت الرافدين على المرور

مو الصدريين منو قال يحصلون قبر اذا همه حتى شبر مالهم بالعراق

العراق للعراقيين من شماله لجنوبه ملك للعراقيين
وبالنسبه للعملاء لازم اكو يوم لنهايتهم

انشاء الله نهايتهم قريبه

مشكووره اختي ورده